Ermir Gjinishi: Mafia e Rama-sektit në gazetën britanike The Guardian!
Politikë E Shtunë, 17 Prill 2021 12:51
Kandidati i LSI në Elbasan, Ermir Gjinishi shprehet se mashtrimet e Edi Ramës dhe qeverisë së tij kanë arritur nivele ndërkombëtare.
Ai ka publikuar artikullin e gazetës prestigjioze britanike “The Guardian” që flet për manipulimet e qeverisë “Rama” me rrjetet sociale.
Mesazhi i plotë i Ermir Gjinishit:
Mafia e Rama-sektit në gazetën britanike The Guardian!
Para 5 ditësh, saktësisht me 12 prill 2021, gazeta më e rëndësishme britanike The Guardian, publikoi një hetim i cili tregonte përmasat e manipulimeve politike dhe abuzimeve mediatike qeveritare në disa shtete.
Nuk mund të mungonte dhe “medalja e artë” e kryemashtruesit shqiptar.
“Rrjete llogarish të rreme ose faqe që shtrembërojnë diskurin politik”.
Investigimi ka nxjerrë në pah prova të pakontestueshme të një rrjeti shqiptarësh që prodhonte komente jo autentike, i cili punonte për llogari të disa individëve, anëtarë të qeverisë Rama.
Tashmë Rama gëzon statusin e mashtruesit ndërkombtarisht.
Për më shumë detaje lexoni artikullin e plotë.
Shqipëria nuk është atdheu i mashtruesëve, por disa mashtrues qeveritarë, paturpësisht na nxinë fytyrën në sytë e gjithë botës për 8 vite me radhë.
Me 25 prill rrëzojmë fronin e mashtruesve.
# Shqipëria shtëpia juaj.#
KOHA JONË SONDAZH
