Ish-deputeti i PD-së, Ervin Salianji i bëri thirrje kryedemokratit Sali Berisha që të dalë të përballet me të në garë për kreun e ri të partisë.
Nga Kukësi, ku po mban një takim me demokratë, Salianji tha se Berisha duhet të ballafaqohet me demokratët. Folësit e pranishëm me mendimin dhe qëndrimin e tyre ngritën zërin të shpëtojmë Partinë Demokratike, për të krijuar premisën për ta çuar këtë parti në fitorre, e cila fillon me fitoren partiake, me hapjen dhe lejimin e demokratëve të jenë pjesë e PD.
Duke folur para të pranishëmve, Ervin Salianji mes të tjerash shtoi: “Kam një thirrje të sinqertë, për drejtuesit por dhe për Berishën, dil dhe përballu me garën. Jepi mundësi demokratëve që të zgjedhin drejtuesin e ri. Dil dhe ballafaqohu me demokratët. Shqiptarë kanë kuptuar një gjë, që të mundet autokrati i qeverisë, duhet të mundet ai i partisë. Ia kemi borxh demokratëve, që të bëjmë PD fituese. Njerëzit e lirë po bashkohen kundër autokratëve. Ne po bëjmë betejë kundër diktatorëve të kohës tonë. Me kë i bën korrupsionet Rama, i bën vetëm? Pse si bën me ata të tjerët! Pse si përmend PD ata emra oligarkësh? Kush i shërben Ramës, duhet të dalin në tabelën e turpit.”