FOTO/Presidenti Meta takon Theodhoros Pangallos

Presidenti Ilir Meta ka marrë pjesë sot në ceremoninë e promovimit të librit të politikanit të njohur grek, Theodhoros Pangallos.

Ish-zëvendëskryeministri i Greqisë ndodhet këto ditë në Shqipëri për të promovuar përkthimin në shqip të librit të tij “Me Papandreun në Evropë”.

“Promovim i veçantë i librit të Theodhoros Pangallos në shqip “Me Papandreun në Evropë” ngjarje historike, kujtime me peshë për Greqinë dhe Evropën e Bashkuar! Urime!”,- shkruan Presidenti Meta në një postim në rrjetin sociale Twitter.

Theodhoros Pangallos është një nga politikanët grek që ka përkrahur integrimin e Shqipërisë në BE, si dhe ka dhënë kontribut për rritjen e bashkëpunimit mes dy vendeve.