Gaz Bardhi: Nëse Basha fiton besimin e 18 deputetëve, vota e 19 do të jetë e imja!

Kreu i grupit parlamentar të PD-së Gazment Bardhi ka folur për mediat në nisje të seancës plenare.

Ndër të tjera, Bardhi foli edhe për vetëzgjedhjen e Lulzim Bashës në krye të grupit parlamentar të PD-së.

“Z. Basha do duhet të fitojë besimin e 18 kolegëve, vota e 19 pro tij do të jetë e Gazment Bardhit.
Unë kam ftuar të gjithë deputetët e PD-së, Aleanca për Ndryshim, me vullnetin e mirë për të përcaktuar axhendën e përbashkët parlamentare. Të gjithë bashkë si deputetë të opozitës.
Unë ftoj secilin koleg të bëhet pjesë e atij takimi. Do jemi në një sallë për të diskutuar si ka funksionuar opozita për këto vite, për t’i dhënë fund asaj situate që na ka vënë në siklet në sallën e parlamentit”, deklaroi Bardhi.