Gazetari Alfred Lela dhunohet nga policia, me shenja në trup

Mes personave të shoqëruar ditën e sotme në polici për ngjarjet që po ndodhin tek Teatri Kombëtar në Tiranë ishte edhe gazetari Alfred Lela.

Gazetari është lënë i lirë nga policia pas dhunës së ushtruar ndaj tij. Lela është shprehur se ka marrë dëmtime të shumta në trup, si pasojë e dhunës të ushtruar nga Forcat Operacionale.

Gazetari ka theksuar gjithashtu se është në gjendje të mirë shëndetësore, por shtoi se ka marrë goditje të forta në kokë. Lela ka shenja në pjesë të ndryshme të trupit.