Gjekmarkaj: Protesta nesër tek SPAK, solidaritet me Berishën. Vendi ka nevojë për qeveri teknike

Nënkryetari i PD-së, Agron Gjekmarkaj sqaron se demokratët nuk do të bëhet pjesë e komisionit antikorrupsion parlamentar të drejtuar nga Fatmir Xhafaj i PS-së.  Nesër militantët e PD-së do të mblidhen para SPAK, teksa pritet ti komunikohet akuza Sali Berishës. Ndaj dhe Gjekmarkaj thotë se Berisha mbahet forcërish dhe politikisht në ”arrest shtëpie”, prandaj qytetarët do të reagojnë.

”Sali Berisha është në ”arrest shtëpiak” në shkelje të kushtetutës dhe e di që neni 73 u shkel për ti heq lirinë Sali Berishës. Kur ai vendosi të mos e respektojë, Kuvendi iu nënshtrua presionit të gjykatës. Besoj forcërisht politike është në arrest politik. Qëllimi i protestës mbështetje dhe mos pajtimit me padrejtësinë, solidaritet me Sali Berishën. Qytetarët do sillen në mënyrë paqësore”,-tha në ”Report Tv”.

Lezha është një qark i rëndësishëm dhe Gjekmarkaj do të jetë drejtues politik për zgjedhjet parlamentare të 2025. ”Në PD punohet natë e ditë, nuk ka gjumë në PD. Po punojmë për ti dhënë lirisht shqiptarëve votën e lirë. Vendi ka nevojë për qeveri teknike. Edi Rama nuk po e kupton që kanë nevojë njerëzit të votojnë pa të si kryeministër”.

Deklarata e Ramës së PD do të marrë më pak mandate se në zgjedhjet e 1997, Gjekmarkaj e sheh si një përpjekje të tijën për të trimëruar veten, pasi opozita është në këmbë. ”Ajo është një deklaratë që ka qejf ta dëgjojë për të trimëruar veten. E di që opozita është kudo në këmbë. Do të tremb me vitin ogurzi 97 njerëzit e ndershëm të vendit. Janë banditët që do vendosin për votën e qytetarëve. Shteti është aleatë me to, janë në përgjjime Sky. Segmentët e drejtësisë heshtin për to”.