Gjiknuri në Kuvend: Lufta ndaj korrupsionit sfidë, kurse bojkoti nuk i ka sjellë asgjë të mirë opozitës

Deputeti i PS-së, Damian Gjiknuri në seancën plenare ku pritet të votohet rezoluta e PS-së për luftën ndaj korrupsionit, tha se kryeministri Edi Rama e ka thënë me dhjetra herë që është i pakënaqur me ritmin e administratës.

Për të kjo rezolutë është hapi i parë i një procesi të rëndësishëm mbarëkombëtar, siç është lufta ndaj korrupsionit.

“Bojkoti që opozita i ka bërë reforma të mëparshme nuk i ka sjellë asgjë të mirë, kthehuni pas në kohë me kujtoni bojkotin që nga reforma territoriale. Lufta ndaj korrupsionit është sfidë. Korrupsioni është ves i natyrës njerëzore, por nuk duhet të infektojë të ardhmen e shqiptarëve”, tha Gjiknuri.