Gjykata lë në burg ish-drejtorin e RTSH, Thoma Gëllçi dhe tre vartësit e tij

Gjykata e Posaçme e Apelit ka lënë në burg ish-drejtorin e RTSH-së, Thoma Gëllçi dhe tre vartësit e tij deri në përfundim të hetimeve. Vendimi u mor të shtunën.

Ai kërkoi një masë më të butë sigurie për shkak se nuk paraqet rrezikshmëri. Të njëjtën kërkesë paraqitën edhe 3 të arrestuarit e tjerë të vënë nën akuzë.

Në seancën e zhvilluar me dyer të mbyllura Gëllçi ka mohuar akuzat e ngritura nga SPAK.

Avokati i Thoma Gëllçit, Dorjan Matlija më herët ka pretenduar se ky është një sulm, pasi klienti i tij ka kërkuar hapjen e garës dhe do të rikandidonte për postin e drejtorit të përgjithshëm të RTSH.

Gëllçi, bashkë me tre punonjës akuzohen për pabarazi në tendera dhe abuzim me detyrën në kohë kur Gëllçi ishte në krye të RTSH.