Ndonëse prej 5 muajsh është në arrati, ish-kryebashkiaku i Vorës, Agim Kajmaku, tërhiqet nga kërkesa për ndryshimin e masës së sigurisë.
Gjykata e Tiranës pushoi kërkesën në seancën e sotme gjyqësore pasi nuk u paraqitën avokatët mbrojtës të Kajmakut. Me këtë vendim mbetet në fuqi masa e mëparshme e sigurisë, ajo e arrestit në burg. Kajmaku është nën akuzën e falsifikimit të formularëve pasi fshehu dënimin në Greqi.
Prokuroria ka mbyllur hetimet ndaj ish-kreut të bashkisë Vorë dhe e ka dërguar dosjen në gjykatë për seancën paraprake ku do të vendoset nëse çështja do të kalojë në gjykim apo do ti kthehet prokurorisë për hetime të tjera.
