Grida Duma publikon videon bombë: Njerëzit e Ramës, përgjegjës për rritjen e Covid-19

Kryeministri Edi Rama, tha dje se grumbullimet, duke vënë theksin tek ato politike janë bërë shkak i rritjes së kurbës së Covid-19 në Shqipëri. Por ish-deputetja e PD, Grida Duma ka publikuar një video duke iu përgjigjur akuzave të Ramës. Duma ka nxjerrë pamje nga grumbullimet tek inaugurimi i Parkut Rinia, provimet e maturantëve, grumbullimet e qytetarëve tek Postat si dhe dhuna tek Teatri apo në Velipojë. Sipas Dumës, Rama dhe njerëzit e tij janë përgjegjësit e vetëm për rritjen e rasteve me Covid-19 për disa interesa të caktuara.