Hetime për korrupsion, bastisen zyrat e Partisë Popullore Evropiane në Bruksel

Korrupsion edhe në Bruksel! Policia belge në bashkëpunim me autoritetet gjermane bastisin zyrat e Partisë Popullore Europiane në Bruksel. Kërkimi i policisë lidhet me një hetim për korrupsion të nisur nga Gjermania. Dyshohet për korrupsion gjatë fushatës zgjedhore të BE-së në 2019.

“Partia po bashkëpunon në transparencë të plotë me autoritetet e përfshira, duke ofruar të gjithë informacionin dhe dokumentacionin përkatës. Policët belgë bastisën katin e parë dhe të tretë të selisë së partisë në Rue du Commerce”,- thuhet në një njoftim të Parlamentit Europian.