Hetimi për pastrim parash, Gjykata sekuestron aksionet e gruas së Alfred Pezës

Gjykata e Krimeve të Rënda ka vendosur sekuestrimin e aksionet në bankë të gruas së deputetit Alfred Peza. Vendimi erdhi pas kërkesës së Prokurorisë së Krimeve të Rënda, pas vijimin të hetimeve ndaj deputetit socialist, pas akuzave për fshehje pasurie dhe pastrim parash.

Sipas vendimit të Gjykatës, janë sekuestruar aksionet me vlerë rreth 113 milionë lekë të reja.

Nga hetimet disa mujore, ka rezultuar deputeti i mazhorancës, nuk ka mundur të justifikojë pasurinë e tij.

Hetimet ndaj Alfred Pezës, nisën pas publikimit të një kontrate noteriale në Citynews.al, sipas së cilës bashkëshortja e tij, kishte investuar shumën prej 1.14 milionë dollarë për të blerë aksione në një bankë të nivelit të dytë.

Prokuroria e Përgjithshme e vuri emrin e Alfred Pezës, në regjistrin e personave që u atribuohet vepra penale dhe kërkoi dëshminë e tij. Ligjvënësi socialist jashtë dyerve të prokurorisë deklaroi për mediat se çdo qindarkë të pasurisë së tij e ka fituar me punë të ligjshme.

Pas ish-deputetit kristiandemokrat Mark Frrokut, kjo është kërkesa e dytë nga Prokuroria për sekuestrimin e pasurisë së një anëtari të Parlamentit.