Ilir Meta: “Binomi Fe e Atdhe, shprehje e identitetit të shqiptarit”.

“38 martirët që sot lartësohen në altarët e Kishës Katolike, duhet të jenë për të gjithë një motiv krenarie për atë çka ata kanë bërë për lirinë e vendit tonë, duke u mbështetur në Zotin, por dhe shprehje e angazhimit tonë për të ndërtuar Shqipërinë me Zotin që ata ëndërronin. Binomi Fe e Atdhe është shprehje e identitetit të shqiptarit për ndërtimin e Shqipërisë së ëndrrave të tyre dhe njëkohësisht ëndrra jonë”, zoti Meta.

Në meshën që u mbajt në katedralen e Shën Shtjefnit në Shkodër, ishin të pranishëm autoritete të larta të Vatikanit, klerikë nga vende të ndryshme të botës dhe drejtues të komuniteteve fetare në vend. Zoti Meta përshëndeti lumturimin e 38 martirëve, duke theksuar se ata janë një motiv krenarie për atë çka ato kanë bërë për vendin.