Ilir Meta, në Konferencën Ndërkombëtare mbi Transparencën Parlamentare, Gjeorgji

Kryetari i Kuvendit z. Ilir Meta mori pjesë në Konferencën Ndërkombëtare "Përkushtim ndaj Transparencës: Planet e Veprimit Parlamentar, Standardet dhe Mjetet" që po organizohet këto ditë në Tbilisi, Gjeorgji nga Instituti Kombëtar Demokratik (NDI) në bashkëpunim me Kongresin e Kilit, Open Government Partnership nën kujdesin e Parlamentit të Gjeorgjisë.

Kjo konferencë ndërkombëtare e grupit të punës së transparencës legjislative të Open Government Partnership mbledh delegatë nga disa vende të botës për të diskutuar mbi bashkërendimin e aksionit të përbashkët për të rritur dimensionin parlamentar të transparencës së qeverisjes, duke u fokusuar në ndërtimin e një plani të përbashkët veprimi për të rritur transparencën legjislative dhe pjesëmarrjen e shoqërisë civile dhe publikut në vendimmarrje.

Gjatë sesionit të hapjes së Konferencës, Kryetari i Kuvendit z. Ilir Meta mbajti edhe një fjalë përshëndetëse.