Ilir Meta për Trump: Ai është vizionar, marrëdhëniet do jenë afatgjata

Për Metën, “zgjedhja e Trump, por edhe raporti i Clinton me të duke e uruar dhe vlerësimi i tij për rivalen pas përfundimit të garës, tregojnë qartë se Amerika është vend me dinamikë të jashtëzakonshme demokratike dhe i vendosur për të ecur para edhe përmes debatit, por në fund mes bashkimit”.

I pyetur për raportet mes nesh dhe Amerikës dhe a do ndikojnë në këtë raport konsideratat që kryeministri Rama ka dhënë publikisht për Trump, Meta iu përgjigj:

“Trump është vizionar dhe shikon përpara dhe ka fituar për të bërë gjëra të rëndësishme. Jam i bindur se marrëdhëniet mes Shqipërisë dhe SHBA do të jenë solide, funksionale dhe afatgjata”, tha Meta.