Ilir Meta: Rama rrëzoi projektligjin për uljen e çmimit të karburanteve

Aktualitet Politikë E Mërkurë, 11 Tetor 2023 09:43

Nga Ilir Meta-

Javën e kaluar Parlamenti rrëzoi Projektligjin e paraqitur nga Partia e Lirisë prej dy vitesh për uljen e çmimit të karburanteve, për heqjen e taksës së qarkullimit dhe të dioksidit të karbonit që do të ishte në interes të të gjithë qytetarëve shqiptarë.

Mbas dy vjetësh u zvarrit dhe u rrëzua, siç janë rrëzuar dhe nisma të tjera të Partisë së Lirisë përsëri në interes të qytetarëve dhe në interes të zgjidhjes së problemeve të rëndësishme të vendit, përfshirë edhe atë të energjisë, siç kanë qenë dhe dy ndryshimet në ligjet për energjinë e rinovueshme.

Por natyrisht që korrupsioni nuk e lejon mazhorancën që të miratojë nisma të tilla, siç kemi në Parlament edhe ligjin tjetër prej një viti të depozituar nga Partia e Lirisë për indeksimin çdo vit të pagave në përputhje me rritjen ekonomike dhe me inflacionin.