Ironia e Vangjel Tavos: Mos dilni nga shtëpia se u kap “grepi” i Rilindjes për punësime sezonale

Drejtuesi i LSI-së në Qarkun e Gjirokastrës, Vangjel Tavo ka ironizuar punësimet fiktive të Rilindjes për fushatën elektorale. Tavo shprehet me humor se ata që dalin nga shtëpia para orës 16:00 mund të futen me zor në punë nga Rilindja, vetëm për efekt votash.

“Kujdes mos dilni nga shtëpia para orës 16:00 se ju kap grepi i “Rilindjes” për punësime sezonale 3 mujore në shtet për vota. Sa qesharake dhe e dëshpëruar “Rilindja!” Punësimet e vërteta afatgjatë dhe në rritje, zhvillimi i qarkut Gjirokastër, përmisimi i standardeve të jetesës nisin më 26 prill dhe e papunë do jetë vetëm “Rilindja.”,– shkruan Tavo në reagimin e tij në Facebook.