Ironike, por e vërtetë. Pasi shkatërroi sistemet, Irani i ofron ndihmë Shqipërisë

Sulmuesi ofron ndihmë! Mund të duket ironike, por është e vërtëtë. Irani i ofron ndihmë Shqipërisë për të hetuar dy sulmet kibernetike, edhe pse shteti shqiptar akuzon Iranin duke ndërprerë marrëdhëniet diplomatike.

Qendra Kombëtare Iraniane e Hapësirës Kibernetike, thotë se është e gatshme të dërgojë në Tiranë një ekip specialistësh që do të hetojnë sulmet në fjalë.

“Pretendimi i Shqipërisë për të akuzuar Iranin për kryerjen e sulmeve kibernetike është një gënjeshtër e pastër, pasi vetë Republika Islamike e Iranit është ndër viktimat e sulmeve të tilla, të cilat janë kryer kundër rrjetit të saj të shpërndarjes së karburanteve, terminalit të porteve, sistemit të metrosë dhe objekteve bërthamore”, thuhet në deklaratë.