Ish-deputeti Namik Dokle ironizon politikën: Një herë me Ilirin e një herë me Berishën, pastaj me Donaldin…
Ish-deputeti socialist Namik Dokle ka ironizuar situatën politike në Shqipëri, ndërsa e ka krahasuar atë me lojën që zhvillohet në spektaklin e famshëm, Big Brother Albania VIP.
Postimi i plotë i Dokles në Facebook:
POLITIKANI dhe BIGBRADHËRSI
Një politikan i ditës takoi njërin nga “bigbradhërsat” që sapo kishte dalë nga loja, pa arritur dot në finale…
-Po ç’bëhet në atë “shtëpinë” tuaj?- u gërrduf politikani,- Një herë me Ilirin, pastaj kundër Ilirit; një herë me Donaldin, pastaj kundër!
Bigbradhërsi qeshi dhe pastaj ia ngjeshi:
-Euuu, kush po na flet!!! A nuk jeni ju politikanët një herë me Ilirin, pastaj kundër Ilirit, një herë me Berishën pastaj kundër tij, një herë me Lulin, pastaj kundër Lulit, një herë me Edin, pastaj kundër…?! Nga “loja ” jonë nuk vuan askush, nga e juaja të gjithë!
