Ish-Presidenti Alfred Moisiu ka komentuar vendimin e Departamentit Amerikan të Shtetit për shpalljen “non grata” të ish kryeminstrit Sali Berisha.
Sipas Moisiut, në dosjen e DASH për Berishën, është edhe një episod shantazhi që ka ndodhur në kohën kur Berisha ishte kryeministër i vendit dhe Moisiu president.
Ish-Preidenti ka deklaruar se ish-drejtori i Aviacionit Civil në atë kohë, Gazment Dibra, në emër të kryeministrit të asaj kohe, ka shantazhuar nipat e Moisiut me këto fjalë: “‘Thojini dajës që të firmosë shkarkimin e prokurorit edhe cdo gjë zgjidhet mirë”.
“Ishte një rikatim (shantazhim) i tipi mafioz. Si ka mundësi? Si ka mundësi që kryeministri t’i bëjë rikatim presidentit, kryetarit të shtetit.
Sigurisht ai nuk e bëri vetw këtë, Gazmend Dibra, se s’mund të merrte përsipër një gjë të tillë, se nuk ishte aq budalla.
Këto gjëra janë minim i demokracisë. Pra, një nga akuzat që i bëhet atij nga DASH është pikërisht kjo. Domethënë kjo nuk është e re, nuk është e padëgjur, se budallenj nuk jemi, ky popull nuk është budalla”, deklaroi Moisiu në emisionin Spotlight në Vizion Plus.