Ish-presidenti Nishani flet për ndryshimin e kufijve: Do të ishte një investimi i rrezikshëm

Në ditën e dytë të Samitit Global të Paqes për Europën Juglindore që po mbahet në Tiranë, ish-presidenti Bujar Nishani gjatë fjalës së tij foli për ndryshimin e kufijve midis Kosvës dhe Serbisë.

Nishani deklaroi se do të ishte një investimi i rrezikshëm për Rajonin, por edhe më tej.

“Do të ishte investimi më i keq dhe i rrezikshëm jo vetëm për prespektivën e rajonit por edhe më tej. Historia ka një realitet që nuk ka asnjë vend pa minoritete. A do ishte e mundur që të përcaktoheshin territoret në bazë të arnive? Kjo është e pamundur.

Ndaj duhet komunikim, reflektim dhe marrëveshje të gjithëpranueshme. Duke mbajtur të gjallë frymën e bashkëpunimit, respektit reciprok, do të vijmë besoj në një zgjidhje të përbashkët. Do doja të theksoja se demokracia mbeten në gjykimin tim çelsi i suksesit në sfidat para nesh.

Kështu duke ruajtur demokracinë kemi krijuar mekanizmin e duhur ku institucionet funksionojnë dhe modelet perëndimore të funksionojnë edhe në Europën Juglindore.”