Italia presion Tiranës: Kontrolloni koronavirusin ose do bllokojmë fluturimet drejt Shqipërisë

Para pak muajsh ishte Shqipëria që mbylli linjat ajrore me Italinë, ndërsa tani janë pala italiane e cila kërcënon mbylljen e linjave ajrore me Tiranën. Bile edhe linjat e tragetëve.

Rastet e shumta me shqiptarë të infektuar të ditëve të fundit në Toskanë, Itali, ka bërë që presidenti i këtij rajoni të kërcënojë me bllokimin e fluturimeve nga Tirana.

Enrico Rossi ka kërkuar informacione nga qeveria italiane, ose ka thënë se do të kërkojë bllokimin e fluturimeve.

Gjatë ditës së sotmë në buletinin e rajonit të Toskanës, nga 17 raste me koronavirus, 13 u përkasin personave që janë kthyer me avion nga Tirana.

Presidenti i rajonit Enrico Rossi ka kërkuar nga qeveria italiane që t’u japë të dhëna në lidhje me personat që vijnë nga Shqipëria, ose në të kundërt do të marrë masa ekstreme.

‘Do të bllokojmë fluturimet direkte nga Tirana’, është shprehur Rossi.