Deputetja e Partisë Demokratike, Jorida Tabaku ka zhvilluar një takim në Departamentin e Shtetit në SHBA, kjo me diplomatët Yuri Kim dhe Gabriel Escobar. Tabaku shkruan në një postim në Facebook, se diskutimi kishte në fokus ‘forcimin e marrëdhënieve ekonomike dhe luftën kundër korrupsionit’.
“Kënaqësi të takohem me Yuri Kim dhe Gabriel Escobar me të cilët pata një bisedë mbi rrugëtimin e Shqipërisë në Bashkimin Europian, forcimin e marrëdhënieve ekonomike dhe luftën kundër korrupsionit.
Aleanca dhe partneriteti mes vendeve tona janë guri i themelit për një Shqipëri demokratike, ku respekti ndaj sundimit të ligjit është jetik për të ardhmen që duam të ndërtojmë”,-shkruan Tabaku.
