Kandidate e PD-së përballë Veliajt? Jorida Tabaku: Nuk kam ambicie për bashkinë e Tiranës

Erion Veliaj është konfirmuar nga PS-ja ku do të kërkojë një mandat të tretë si kryetar i Bashkisë së Tiranës. Por kush do të jetë kandidati i opozitës përballë tij? Në një kohë që PD-ja vijon ende me grupime brenda saj, emrat nuk kanë munguar.

Një nga emrat që gjithmonë është përfolur është ai i Jorida Tabakut, por që deputetja demokrate tregon se nuk ka ambicie për drejtimin e kryeqytetit, pasi siç shprehet, në bashki ka punuar.

“Jam në Parlament, do vijojë të jem aty dhe nuk kam dëshirë për t’u rikthyer në bashkinë e Tiranës, ku kam qenë”,-tha Tabaku për ”A2cnn”.