Komisioni i Ankesave në KQZ rrëzoi kërkesën e kryetarit Ilirjan Celibashi, kjo për të ndaluar disa nga nismat e Kuvendit, mes tyre edhe ajo e taksës për Bujqësinë.
Deputeti i PS-së, Erion Braçe teksa e konsideron fitore, shton se tashmë nisma që ka propozuar do ndjekë procedurat e mëtejshme parlamentare për t’u finalizuar. Kreu i KQZ i konsideronte këto nisma të mazhorancës me efekte elektorale dhe në kundërshtim me Kodin Zgjedhor.
”Vendimi bllokues i Komisionerit Shtetëror të Zgjedhjeve u rrëzua sot! Tani ecim përpara në Komisionin e Ligjeve dhe Ekonomisë. Nuk besoj se ka më pengesa, Kundërshtarë! Pritjes 6 vjet po i vjen fundit”, shkruan ligjvënësi socialist në profilin e tij, në rrjetin social Facebook.
Braçe ishte i pranishëm edhe vetë ditën e sotme në KAS për të mbrojtur nismën e PS-së dhe Komisionit. ”Për Bujqësinë, popullin e bujqësisë: Fituam! Në KAS për projektligjin e TVSH, për të rikthyer në normalitet, natyralitet, TVSH-në e Bujqësisë”, shkruan ndër të tjera deputeti.