Katastrofa mjedisore/Xhaferri: Korrupsioni Rama-Dako, helmues për qytetarët e Durrësit dhe Manzës

Partia Demokratike, përmes degës së saj në Durrës, ka reaguar për protestën e mbajtur nga banorët e Manzës, pas vendimit për të dërguar mbetjet mjedisore në këtë zonë nga Porto Romano. Në një deklaratë për mediat, kreu i PD-së në Durrës, Ferdinand Xhaferri, teksa e cilëson këtë një dështim të radhës të qeverisë, hedh akuza ndaj kryeministrit Edi Rama dhe ish-kryebashkiakut Vangjush Dako, duke thënë se kanë përfituar nga tenderi 11.5 milion eurosh i Eco-Park, duke i lënë qytetarët nën rrezikun e helmimit. Ai thotë se në vend të zgjidhjes së problemit, Bashkia e Durrësit vetëm sa kërkoi ta spostonte atë duke çuar mbetjet në Manzë.

Deklarata e plotë

Degradimi i Durresit ka filluar qe ne vitin 2007 kur ne krye te Bashkise u vu Vangjush Dako e se bashku me te mafia dhe krimi. Ka 13 vjet qe jemi deshmitare te rrenimit te vazhdueshem te qytetit. Nga te gjithe deshtimet e Bashkise, te cilat i kemi pare e i kemi shprehur, pastrimi i qytetit eshte deshtimi me i madh. Ky deshtim vjen nga arroganca, paaftesia dhe korrupsioni. Por ky deshtim ka nje kosto shume te larte per mjedisin e si rrjedhoje per shendetin e te gjithe qytetareve te Durresit.

Ne 2018 si pasoje e djegies ne qiell te hapur te mbeturinave ne Porto-Romano u shpall emergjenca mjedisore. Eshte bere nje tender korruptiv prej 11,5 milion Euro per ta kthyer fushen ku digjeshin mbetjet ne Porto-romano ne Eco-Park. Ndersa jane levruar parate e korrupsionit nuk ka para per te hequr mbetjet e shperndara, ne te gjithe qytetin, ne fillim te sezonit turistik.

Ne vend te zgjidhjes se problemit Bashkia vetem sa kerkoi ta spostonte ate duke cuar mbetjet ne Manze. Prandaj kete fundjave qytetaret e Manzes protestuan papushim kundra helmimit te femijeve te tyre. Te zevendesosh nje katastrofe mjedisore me nje tjeter eshte deshtim i paprecedente. Teksa Dako dhe Rama mendojne si te perfitojne edhe me shume nga tenderi i Eco-Parkut, qytetaret e Durresit dhe te Manzes vazhdojne e frymojne mes mbetjeve.