KE shpall të mërkurën vendet e sigurta të origjinës, Shqipëria dhe Kosova në listë

Komisioni Europian pritet të zyrtarizojë të mërkurën listën me shtete që konsiderohen si vende të sigurta të origjinës.

Siç raporton gazeta gjermane “Fraknfurter Allgemeine Zeitung”, do të jetë KE dhe jo Gjermania që do të shpallë shtete që konsiderohen si vende të sigurta të origjinës.

Mes tyre është e sigurt prania e Shqipërisë dhe Kosovës.

Kjo do të thotë që azilkërkuesit shqiptarë në Gjermani nuk do të kenë të drejtën për të kërkuar azil dhe shumë shpejt pritet të nisë deportimi i tyre në masë.

Lista do jetë e detyrueshme për vendet e BE, çka do e shpëtojë Gjermaninë nga debati politik.

Sa i përket përfimitimit të azilit për qytetarët shqiptarë, shifra e përfituesve në raport me kërkesat shkon deri në 7.4 përqind pasi në vendin tonë ka raste të izoluara të gjakmarrjes, dhunës në familje dhe diskriminimit të minorancave.

Më e lartë është kuota e suksesit për turqit, që shkon deri në 23.1 përqind e aplikimeve për azil.