Kërkesat e Mitsotakis për Ramën: Deti, regjistrimi dhe pronat e minoritetit

Takimi i kryeministri Edi Rama me kryeministrin grek, Kyriakos Mitsotakis ka pasur si temë diskutimi të paktën tre kërkesa të qeverisë greke ndaj Shqipërisë. Në njoftimin për mediat të kryeministrisë greke, vihet theksi te: caktimi i kufirit detar me dy vendeve, regjistrimi (censusi) i saktë i minoritetit dhe çështja e pronave të minoritetit grek.

Këto janë çështjet që për palën greke vlerësohen si të hapura mes dy vendeve dhe presin zgjidhje nga qeveria “Rama”. Kujtojmë që për pronat e minoritetit Greqia ishte gati të vendoste dhe vetton për negociatat, para se në skenë të dilte qëndrimi totalisht refuzues i Francës.