E ftuar në një intervistë për Rtv Ora Kryetarja e Forumit Rinor LSI, Floida Kërpaçi i vuri fajin qeverisë se i ka thyer besimin të rinjve për të vazhduar të jetojnë në Shqipëri.
“Rilindja ka realizuar shpopullimin e qytetarëve shqiptarë.Sot po ikin masivisht të rinjtë dhe të rejat.Kemi hyrë në janar në një dekadë të re ku prap të rinjtë dhe të rejat duan të largohen sepse shohin më shumë lehtësira për të ikur në Gjermani, të kenë një standart më të mirë jetese.Rilindja u ka thyer besimin që ata të vazhdojnë të jetojnë në Shqipëri”, theksoi Floida Kërpaçi.
Më tej ajo nënvizoi se disa prej arsyeve kyçe të largimit të të rinjve është sistemi i dobët arsimor duke filluar nga infrastruktura, mbyllja e shkollave, kartat e studentit dhe jo-profesionalizmi për të nxjerrë një brez të mirëedukuar.
“Rilindja e ka shkatërruar sistemin arsimor në Shqipëri dhe një arsye pse të rinjtë duan të largohen nga Shqipëria është se nuk kanë mundësi ktu.Sot jemi në një realitet që sistemi arsimor është shkatërruar, mijëra shkolla janë mbyllur,nuk ka infrastrukturë dhe sa të përgatitur e nxjerr ky system brezin e ri kështu”, u shpreh Floida Kërpaçi, duke shtuar se:
“Karta e studentit nuk të jep asnjë lloj ndihme financiare dhe konviktet janë më keq se kurrë”.