Këshilli i Evropës, sot më 5 maj 2024 feston 75-vjetorin e themelimit

I themeluar në vitin 1949 si përgjigje ndaj Luftës së Dytë Botërore, ai mishëron promovimin dhe mbrojtjen e vlerave evropiane, përkatësisht “të drejtat e njeriut, demokracinë dhe sundimin e ligjit”. Konventa Evropiane për të Drejtat e Njeriut (KEDNJ) dhe Gjykata Evropiane e të Drejtave të Njeriut (GJEDNJ) janë arritjet e saj më të shquara dhe më të njohura. Aq shumë që Këshilli i Evropës shpesh reduktohet në këtë aspekt thelbësor, por reduktues. Në fakt, standarde të tjera të panumërta janë miratuar nën kujdesin e kësaj organizate. Këto standarde, të cilat synojnë të përshkojnë sistemet ligjore kombëtare, vendosin standardet evropiane për një rend të përbashkët juridik.

Këshilli i Europës, një organizatë ndërkombëtare për të drejtat e njeriut, demokracinë dhe sundimin e ligjit në Europë me seli në Strasburg të Francës, u themelua më 5 maj 1949 për të arritur një bashkim më të madh midis vendeve anëtare mbi bazën e traditave të tyre të përbashkëta të lirisë politike.

Ideologët më të mëdhenj të Këshillit të Europës ishin Winston Churchill, Robert Shuman dhe Konrad Adenauer.

Këshilli mbron lirinë e shprehjes dhe të mediave, barazinë dhe minoritetet në vendet anëtare.

Kjo organizatë ka realizuar edhe fushata për mbrojtje të fëmijëve, kundër gjuhës së urrejtjes si dhe për të drejtat e romëve, të cilët përbëjnë komunitetin më të madh në Europë.

Këshilli i Europës u ndihmon vendeve anëtare që të luftojnë korrupsionin dhe terrorizmin si dhe që të kryejnë reformat e duhura gjyqësore. Grupi i saj i ekspertëve për Kushtetutë, i njohur si Komisioni i Venecias, ofron këshilla ligjore për shtete të ndryshme në botë.

Duke qenë organizatë ndërkombëtare, Këshilli i Europës nuk mund të miratojë ligje, mirëpo ka aftësi të nxisë zbatimin e marrëveshjeve ndërkombëtare, të arritura nga vendet anëtare për tema të ndryshme.

Dy trupat kyçë të Këshillit janë: Komiteti i Ministrave dhe Asambleja Parlamentare. Këshilli i Evropës është një vëzhgues zyrtar i Kombeve të Bashkuara.

Ndryshe nga BE, Këshilli i Europës nuk mund të miratojë ligje detyruese, por ka fuqinë për të zbatuar marrëveshjet ndërkombëtare të përzgjedhura e të arritura nga shtetet europiane për tema të ndryshme.

Trupi më i njohur i Këshillit të Europës është Gjykata Europiane për të Drejtat e Njeriut, e cila zbaton Konventën Evropiane për të Drejtat e Njeriut. Anglishtja dhe frëngjishtja janë dy gjuhët zyrtare të saj.

Komiteti i Ministrave, Asambleja Parlamentare dhe Kongresi gjithashtu përdorin gjuhën gjermane, italiane, ruse dhe turke për disa nga puna e tyre. Kosova ka aplikuar në këtë organizatë të rëndësishme evropiane, për votimin final të së cilës do të vendoset më 16 ose 17 maj 2024.