Kodheli dënon incidentin: Unë jam me Linditën

Kodheli dënon incidentin me Nikollën: Unë jam me Linditën

Ministrja e Mbrojtjes, Mimi Kodheli, ka reaguar pas incidentit të një grupi studentësh me ministren e Arsimit, Lindita Nikolla.

Përmes një statusi në rrjetin social, “Facebook”, Kodheli dënon gjestin e të rinjve, ndërsa i shpreh mbështetje dhe solidarizohet me kolegen e saj.

“Keqardhje për gjestet dhe mënyrën e zgjedhur nga disa të rinj për të arritur qëllimet. #UnëJamMeLinditën!”, shkruan në reagimin e saj Ministrja e Mbrojtjes Mimi Kodheli.

Ministrja e Arsimit, Lindita Nikolla, u qëllua me salcë gjatë një aktiviteti me studentë te Piramida.

Policia shoqëroi në komisariat si të dyshuar studenten e Fakultetit të Shkencave Sociale, Mirela Ruko.

Kjo e fundit u filmua në momentin kur hodhi salcë në drejtim të ministres.