Koka- Nemeth: Hungaria garanton mbështetjen e saj në proçesin e integrimit

Ministri i Mjedisit, Z. Lefter Koka priti sot një takim bilateral Ministrin e Shtetit dhe të  Bujqësisë, Republika Hungareze. Z. Zsolt V. Németh, në kuadër të partneritetit dhe intensifikimit të marrëdhënieve mes dy vendeve.

Gjatë takimit Ministri Koka e njohu homologun e tij me zhvillimet dhe reformat më të fundit në Shqipëri, si dhe mbi politikën mjedisore që qeveria shqiptare ka ndjekur në këto tre vite, duke e sjellë për herë të parë mjedisin  në qendër të vëmendjes së shoqërisë shqiptare.

Në këtë takim fokus kryesor mes dy ministrave ishte diskutimi mbi proçesin e çeljes së negociatave të Shqipërisë nga Komisioni Evropian, i cili pak javë më parë rekomandoi hapjen e negociatave për anëtarësimin me Shqipërinë.