Komisioneri Oliver Varhelyi: Hapja e negociatave, çështje ditësh!

Komisioneri për Zgjerim, Oliver Varhelyi, foli edhe për integrimin e Shqipërisë, gjatë konferencës për media pas vendimit të Komisionit Evropian për dhënien e statusit të vendit kandidat Ukrainës.

Komisioneri Varhelyi tha se shpreson që të mbahet Konferenca e Parë Ndërqeveritare me Shqipërinë dhe Maqedoninë e Veriut për punë ditësh, gjë kjo që shënon hapjen zyrtare të procesit të negociatave të anëtarësimit të dy vendeve në Bashkimin Europian.

“Sigurisht që ne shpresojmë, që Shqipëria dhe Maqedonia e Veriut do të kenë konferencën e tyre të parë ndërqeveritare në momentin që flasim dhe që ne nuk do të na duhet të presim më për arsye të brendshme politike në Bullgari. Dhe mbetem me shumë shpresë, që ne po flasim për çështje ditësh, sesa çështje muajsh, apo vitesh”, tha Komisioneri.