Kreu i Sindikatës, Kovaçi: 10 pedagogë gati të nisin grevën e urisë që nesër

Pedagogët vijojnë qëndresën e tyre të palëkundur për të plotësuar kërkesat e tyre nga ana e qeverisë.

Pas disa dy javësh bojkot të mësimit në Universitete dhe protestave kombëtare, pedagogët kanë paralajmëruar përshkallëzim të qëndresës së tyre, me grevë urie. Ata i kanë lënë afat qeverisë deri të mërkurën për plotësim të kërkesave të tyre, më pas do të nisin grevën e urisë.

Në një deklaratë për mediat, kreu i sindikatës ë pedagogëve, Sandër Kovaçi u shpreh se afati i fundit që do të pritet përgjigjja e qeverisë do të jetë ora 16:00.

“Presim deri ditën e nesërme, për dy tre çështje kryesore që u kemi kërkuar, nuk janë përgjigjur pozitivisht. Do presim deri në orën katër përgjigjen e qeverisë. në grevë do të futen disa pedagogë, rreth 10, është grevë simbolike. Greva do të mbahet në një ambient të brendshëm të universitetit”, tha ai.