Kriza politike – Përfundon takimi i ambasadorëve Lu e Vlahutin me partitë e vogla

Ka përfunduar mbledhja e ambasadorëve Donald Lu dhe Romana Vlahutin me partitë e vogla parlamentare, takim i cili u thirr për t’i informuar mbi situatën politike në vend.

Takimi u thirr nga Lu dhe Vlahutin për t’i informuar ata mbi negociatat e zhvilluara tri ditë më parë në  Pallatin e Kongreseve në Tiranë, takim i cili përfundoi pa sukses.

Në takimin 60-minutësh krerët e partive të vogla biseduan me ambasadorët Lu, Vlahutin dhe Borchardt.

Mësohet se pjesa më e madhe e partive të vogla në vendin tonë, në këtë takim përfaqësuan nga kryetarët e tyre. Ndërsa nga Partia Republika në takim nuk merrte pjesë Fatmr Mediu, por Arian Madhi.

Sakaq, PDIU përfaqësohej nga deputetja Mesila Doda, dhe jo nga kryetari Shpëtim Idrizi.

 Mesazhi dërguar partive

Përshëndetje z. Madhi, z. Duka, z. Dule, z. Ndoka, z. Blushi, z. Idrizi, z. Shehi Ambasadori Borchardt, Ambasadori Lu dhe Ambasadorja Vlahutin kanë kënaqësinë t’ju ftojnë në një takim informues për procesin e negociatave te zhvilluar mbrëmë.

Takimi do te zhvillohet ditën e premte, dt. 28 prill ora 10:00, vendi për t’u konfirmuar. Ju lutem me konfirmoni nëse axhenda juaj e mundëson pjesëmarrjen tuaj ne këtë takim.