Kryemadhi pas daljes nga SPAK: Të keqen e prokurorëve të plepave të kohës së Berishës

Deputetja e Partisë së Lirisë, Monika Kryemadhi ishte këtë të hënë në SPAK. Pas daljes kur u pyet nëse nëna e saj është nën hetim nga Prokuroria e Posaçme, u përgjigj:

“Po. Që kur i kanë bërë kontroll në banesë, i bie që të jetë. Prokuroria ka ndjekur disa trike që nuk e kanë regjistruar si procedime penale, por edhe kur është marrë në pyetje nuk ka pasur avokat, pavarësisht se nuk ka pasur gjë për të fshehur.

Në momentin që i është kontrolluar banesa, nuk mund të marrësh në pyetje njeri pa avokat. Por, janë procedura që ne do i ndjekim dhe kjo gjë do të shkojë në Strasburg për shumë shkelje”.

Në lidhje me protestën e Partisë së Lirisë para SPAK-ut në 6 dhjetor, Kryemadhi tha: “Unë nuk merrem më me politikë. Kam filluar profesion tjetër, do të bëhem ndonjë ndihmës-avokate sepse me çfarë po shikoj, të keqen e gjyqtarëve dhe prokurorëve të plepave të kohës së Sali Berishës në nëntëdhjetën”.