Kryemadhi, Ramës: Këta të rinj dhe të reja janë alternativa më e mirë për Shqipërinë

Kryetarja e Lëvizjes Socialiste për Integrim, Monika Kryemadhi shprehet se Kryeministri i dështuar refuzon të shohë alternativën më të mirë.

Duke publikuar në Facebook foto të të rinjve dhe drejtuesve të forumeve rinore të LSI, Kryemadhi shprehet se kjo është e ardhmja e vendit.

“Kryeministri i dështuar refuzon të shohë alternativën më të mirë. Këta të rinj dhe të reja janë gjenerata tjetër e udhëheqësve të Shqipërisë. Është koha për të ecur drejt Evropës”,- shprehet krytarja e LSI, Monika Kryemadhi.

Ditën e sotme kryeministri deklaroi nga Elbasani se ai është alternativa më e mirë për shqiptarët dhe kërkoi një mandat të tretë qeverisës.