Kryeministri Edi Rama përcolli ecurinë e punimeve në lotin 4 të Unazës së Madhe në Tiranës

Në lotin 4 të Unazës së Madhe në Tiranë vijojnë me ritme të shpejta punimet për ndërtimin e saj.

Kryeministri Edi Rama ndau në rrjete sociale pamje nga punimet në këtë vepër të rëndësishme infrastrukturore, që pritet të finalizohet sa më shpejt.

“Në kantierin e lotit 4 të Unazës së Madhe, në Tiranë, vijon puna për ndërtimin e viaduktit dhe ndërtimin e rrugëve dytësore pjesë e këtij loti”, tha Rama.

Përfundimi i plotë i Unazës së Madhe të Tiranës, një segment prej 27 kilometrash të gjatë, do të lidhë kryeqytetin me gjitha rrugët dalëse kombëtare, si dhe do të lehtësojë qarkullimin në kryeqytet.

Gjithashtu Unaza e Madhe do të bëjë të mundur edhe urbanizimin e zonave përgjatë të cilave ajo kalon.