Kryeministri Edi Rama ka marrë pjesë në samitin e BERZH për investimet në Ballkanin Perëndimor.
Në fjalën e tij, Rama ka folur për turizmin, energjitikën dhe infrastrukturën duke thënë se qeveria po bën investime të mëdha në këta sektorë.
“Sa për Shqipërinë individualisht besoj se tashmë jemi në një fazë të re dhe është shumë e qartë për njerëzit që vizitojnë Shqipërinë se është një parajsë e turizmit. Në Ballkan kemi shtysën e brendshme të themi se kishim numrin më të lartë e të pabesueshëm, por dua t’ju them që edhe gjatë momenteve më të këqija të pandemisë kemi parë një rritje të dukshme të industrisë tonë të turizmit.
Po shohin shumë gjëra të ndodhin në sektorin energjetik, jemi duke përgatitur investime masive në energji, normalisht me kompani të huaja. Për infrastrukturën, shpresoj që do të jemi në gjendje të bëjmë më shumë e të vazhdojmë nga njëra anë me Kosovën, me hekurudhën Durrës-Prishtinë dhe më pas me korridorin e tetë me Maqedoninë e Veriut. Kjo është tabloja”, tha Rama.