Kryeministri Rama prezanton çeljen e sezonit turistik në Pogradec

Përmes një videoprezantimi të shpërndarë në rrjetet sociale, Kryeminiatri, Edi Rama ka pagëzuar çeljen e sezonit turistik në Pogradec.
“Me një paketë të plotë turistike nga liqeni i magjishëm tek aktivitetet malore, bashkë me monumentet e kulturës, traditën dhe kulinarinë, Pogradeci tashmë është një tjetër destinacion shumë i kërkuar”, shkruan në këtë postim prezantues, kreu i ekzekutivit, Edi Rama.

Pogradeci çeli dje sezonin turistik 2024, një sezon që sigurisht do të jetë edhe më i suksesshëm se vitin e kaluar.

Bashkia e Pogradecit organizoi dhjetëra aktivitete për çeljen e sezonit të ri që u ndoqën nga qytetarët dhe turistët e shumtë.

Kryeministri Edi Rama ndau në rrjetet sociale momente nga aktivitetet e organizuara në qyetin e Pogradecit.

“Me një paketë të plotë turistike nga liqeni i magjishëm tek aktivitetet malore, bashkë me monumentet e kulturës, traditën dhe kulinarinë, Pogradeci tashmë është një tjetër destinacion shumë i kërkuar”, shkruan Rama.

Aktivitetet e çeljes së sezonit veror nisën me bandën frymore, e cila parakaloi në rrugët kryesore të qytetit.

Bujtinat dhe restorantet e qytetit organizuan një panair me ushqimet tradicionale të zonës, ndërkohë artizanët ekspozuan punimet e tyre si në qëndisje, punime me grep, gliko, reçelra të ndryshëm.

Gjithashtu, u zhvilluan edhe një sërë aktivitetesh si koncerte me këngë dhe lojëra për fëmijë.

Pogradeci dhe rrethinat e tij ofrojnë për turistët një atraksion të përhershëm turistik me natyrën, kulturën dhe historinë që i japin madhështinë, ndërsa liqeni i jep hijeshinë.

Përveç liqenit, Pogradeci ka edhe shumë bukuri të tjera natyrore në periferinë e tij, në fshatrat që e rrethojnë, ka monumente të rëndësishme kulturore e historike që të tërheqin t’i vizitosh.

Në këtë qytet kudo ka bukuri si Lini, një gadishull i vogël në brigjet perëndimore të liqenit të Ohrit me një fshat të bukur me të njëjtin emër. Pogradeci ka edhe mjaft kisha mesjetare si kisha e Shën Bitrit, që vendasit janë mësuar ta thërrasin kisha e Shën Bitrit, ndodhet disa qindra metra larg fshatit Potkozhan.

Sezoni turistik u çel zyrtarisht në Pogradec, një qytet i bukur i cili ofron një sërë atraksionesh për vizitorët gjatë muajve të verës. Këtu janë disa nga hapat e mëdha që janë ndërmarrë për të siguruar një sezon të mbarë:

Liqeni i Pogradecit: Pogradeci është i njohur për liqenin e tij të bukur. Anija e re, e cila do të udhëtojë drejt Ohrit, është një risi e këtij sezoni turistik. Mund të shijoni pamjen piktoreske dhe ajrin e pastër gjatë udhëtimit.

Aktivitete të organizuara: Bashkia e Pogradecit ka përgatitur një kalendar me aktivitete për 100 ditët e sezonit. Këto përfshijnë panairin ku promovohet kulinaria pogradecare, punimet me dorë të zonjave nga ky qytet, si dhe arte të ndryshme si piktura dhe poçaria.

Koha Jonë