Kryeparlamentarja Spiropali pritet nga presidentja Osmani: Mbështetje të fuqishme për integrimin euro-atlantik të Kosovës

E pranishme në Forumin e 3-të Ndërkombëtar “Gratë, Paqja dhe Siguria” që po mbahet në Prishtinë, kryeparlamentarja Elisa Spiropali u prit në një takim nga presidentja Vjosa Osmani. Kryetarja Spiropali dhe Presidentja Osmani diskutuan mbi përshpejtimin e integrimit europian dhe euro-atlantik dhe rritjen e rolit të Kosovës në marrëdhëniet ndërkombëtare.

Prestigji i lartë i Shqipërisë është një rrethanë e favorshme për rritjen e mbështetjes së këtyre proceseve. Është koha për heqjen e sanksioneve ndaj Kosovës dhe inkurajimin e shtetit më të ri demokratik në Europë drejt anëtarësimit në NATO dhe Këshillin e Europës.

Po ashtu ato nënvizuan edhe rritjen e koordinimit për mbrojtjen e të drejtave dhe rritjen e rolit të faktorit shqiptar në rajon.