Kryetari i LSI, Petrit Vasili: Të bëhet çdo përpjekje për stabilitetin e vendit dhe zgjedhje me standarde

Ndryshe nga kryeministri Edi Rama që nuk shikon ndonjë krizë politike në vend, por vetëm një krizë ‘nervore të PD-së, aleati i tij në koalicion, Petrit Vasili ka deklaruar fare qartë se vendi ndodhet në një krizë politike.

Vasili tha në një konferencë shtypi sot se “sigurisht që është një situatë krize politike, situatë që nuk keni pse ta fshehim, e cila kërkon maturi dhe largpamësi, për të kuptuar se çfarë efekti kanë të gjitha këto veprimet e sotshme për të ardhmen e vendit.

Ndaj ne kemi inkurajuar dhe kemi qënë për zgjedhjet e lira dhe të ndershme dhe  dje, ish-kryetari i LSI ka riafirmuar edhe më parë e kjo vijë sjellje nuk ndryshon se asnjë sakrificë nuk është e madhe në raport me mbajtjen e zgjedhjeve gjithpërfshirëse dhe konsolidon pozicionin evropian të vendit.