Romina Kuko nga shtatori do të jetë në Kuvend si deputete, dhe thotë se Akademia Politike e PS-së për deputetët e rinj është një risi që po funksionon me sukses dhe synon përgatitjen praktike të përfaqësuesve të rinj në Kuvend.
”Akademia politike për deputetët e rinj nuk është një institucion klasik me nota dhe provime, por një proces mentorimi dhe transferimi eksperience nga figurat me përvojë të PS-së tek prurjet e reja”,-u shpreh Kuko.
Nga ana tjetër, nëvizoi se deputeti i sapozgjedhur mund të vijë nga fusha të ndryshme rinia, shoqëria civile, sektori privat dhe nuk mund të pritet që të jetë një produkt i përfunduar. Sipas Kukos, si në çdo vend pune, edhe në politikë nevojitet një fazë integrimi dhe mësimi.
”Demokracia nuk mbaron te kutia e votimit, por fillon aty. Akademia është një kontribut i PS-së për qytetarët, për t’u garantuar atyre përfaqësim sa më cilësor dhe të përgjegjshëm”.