Kuvendi voton komisionin ad hoc. Rrëzohet Idrizi

Kuvendi miratoi sot në seancën e jashtëzakonshme 3 anëtarët e komisionit për verifikimin e kandidateve për institucionet e drejtësisë.

Anëtarët e rinj janë Vasilika Hysi, Ulsi Manja dhe Luan Rama.
Në votim u hodh dhe kandidatura e Shpëtim Idrizit nga PDIU, por ajo mori vetëm 23 vota pro.

Sipas ligjit, mazhoranca duhet të ketë 3 anëtarë në komisionin e verifikimit. Kreu i Kuvendit, Ilir Meta tha se në votim do kalonin 4 kandidatura për të përzgjedhur tre që do të merrnin më shumë vota.

Në votim, mazhoranca rrëzoi kandidaturën e Shpëtim Idrizit, i cili ishte propozim i PDIU.