Lindita Nikolla uron gjithë shqiptarët për Ditën e Verës: Paçim një verë plot jetë

Kryetarja e Parlamentit Lindita Nikolla ka uruar sot qytetarët me rastin e Ditës së Verës.

Nëpërmjet një postimi në “Facebookk”, Nikolla ka uruar të gjithë shqiptarët një stinë të bukur plot jetë.

“Dita e Verës, fillimi i stinës së gëzueshme plot diell, dritë e jetë, le të na ndriçojë e inspirojë për të dashur e për t’u gëzuar më shumë me familjet tona, të afërmit, miqtë, njerëzit që na rrethojnë.

T’i gëzohemi e t’i kushtohemi natyrës, me urimin e shpresën që lulëzimi i saj të përshkojë edhe jetët tona.
Paçim një stinë të bukur, plot jetë, shëndet e gëzime për të gjithë.”, shkruan Nikolla.