Majko, nënës së kryeministrit: Edi ka ndryshuar

Deputeti socialist Pandeli Majko, ka rrëfyer një moment në sy të kryeministrit Edi Rama, lidhur pikërisht me nënën e tij Anetën, duke treguar se sa ka ndryshuar gjatë këtyre viteve kryetari aktual.

Kështu, teksa kanë prezantuar anëtarësimet e reja në njësinë numër 5 në kryeqytet, Majko i tha Ramës se kjo njësi nuk e mbështet si kryeministër, por si Ed dhe më tej vijoi me këtë rrëfim të shkurtër.

“Një ditë tek pija kafe me nënën e Edit, zonjën Aneta, e cila më pyeste se si po drejtonte dhe çfarë raportesh kishte me kolegët në parti, ajo më thotë: ‘Pandi, më thuaj nëse Edi bën ndonjë gabim në punë e sipër apo në marrëdhëniet me njerëzit’. Unë i thashë se që nga dita që ka ardhur në PS ka ndryshuar, nuk është më ai që ka qenë, u martua, u bë përsëri baba… Aneta e entuziazmuar më tha: ‘Ta dija që Edi do bëhej kaq i mirë, do ta fusja në Partinë Socialiste që 14 vjeç!’”, tregoi Majko.