Majko poston foto me “Kallashnikov” para takimit Rama-Basha….

Vetëm një orë para takimit në Presidencë të kreut të qeverisë Edi Rama me kryetarin e opozitës Lulzim Basha, deputeti socialist Pandeli Majko përmes një postimi në fb ka shkruar mbi pritshmëritë e tij nga kjo tryezë.

Majko thotë se kriza aktuale politike është ndër më të ultat që ka ndodhur në Shqipëri.

“Kriza politike që po ndodh aktualisht duket të jetë ndër më të ultat që ka ndodhur në Shqipëri. Ajo po shoqërohet nga shfaqje groteske të trimërisë si frikë dhe frikës si trimëri… Shpresoj në një marrëveshje “pa nder” se sa në një konflikt të “moralshëm”! Mirëmëngjes!” shkruan Majko.

Takimi Rama-Basha në Presidencë do të mbahet në orën 10:00./ORA