Majko: Sulmi ndaj ministres Nikolla, vandalizëm

Një nga figurat më të njohura të PS-së ndër vite, deputeti Pandeli Majko shprehu solidaritetin me ministren e Arsimit Lindita Nikolla pas incidentit që ajo pati me studentët kundër reformës së arsimit.

“Shpreh solidaritetin tim me kolegen dhe ministren e Arsimit, e cila pak më parë u bë pjesë e një gjesti, krejtësisht vandal.

Unë e kuptoj protestën dhe kundërshtimin dhe ne jemi këtu edhe për të bërë debat, por fyerjen publike nuk e kuptoj.

Ti imponohesh shoqërisë përmes vandalitetit, prandaj e kemi quajtur piramida e vonesës.

Sepse dikush në historinë tonë, i ka rënë tryezës dhe ka thënë do të bëhet si them, dhe kjo na ka sjellë tek kjo piramidë” tha deputeti socialist Pandeli Majko.