Makinat vrasin këmbësorët, dy viktima në pak orë dhe shkak mbetet shpejtësia

Shpejtësia vijon fatkeqësisht të marrë jetë në Shqipëri. Dy aksidente me pasojë vdekjen janë regjistruar mbrëmjen e sotme në Tiranë dhe Elbasan. Në kryeqytet ngjarja u regjistrua në rrugën “Misto Mame” në Kombinat.

Viktimë raportohet se ka mbetur një grua, e cila po lëvizte në këmbë. Dyshohet se ajo është përplasur nga dy automjete njëri pas tjetrit. Rrethana e aksidentit nuk dihen ende, por dyshohet se shkak është bërë shpejtësia me të cilën lëviznin dy automjetet.

Policia e mbërritur në vendngjarje ka nisur hetimet, ndërsa trupi i pajetë ka qëndruar në rrugë për disa minuta në pritje të autoambulancës.