Manjani: Parlamenti monist i Edvin Kajmakut vijon të bëhet gjithnjë e më qesharak

Ish-ministri i Drejtësisë, Ylli Manjani ka reaguar në Facebook, duke theksuar se parlamenti monist, sipas tij, po bëhet gjithnjë e më qesharak.

Reagimi i plotë i Manjanit

Parlamenti monist i Edvin Kajmakut vijon të bëhet gjithnjë e më qesharak.

Tani duan të largojnë ndikimin Rus. ??

Pra, dmth paska ndikim Rus dhe u dashka ta largojnë. Bravo për sinqeritetin!

Po mirë, fundja t’i largojnë Rusët! Mirë do bëjnë.

Le ta fillojnë me transparencën e kompanive OFF-SHORE në sektorin Bankar, në Energji dhe në Aeroportin e vetëm ndërkombëtar, në zemrën e sigurisë kombëtare!!!

Të ndalojnë në vijim çdo investim tjetër OFF-SHORE, se ku i dihet mbase ka Rusë aty.

Me rezoluta deklarative të tipit bolshevik nuk trembet, por joshet Rusia të jetë më prezente. Në fakt duket sikur po e ftojnë Rusinë për më shumë prezencë…

Kot bëjnë si Amerikanë. Monistët nuk bëhen kurrë Amerikanë.